"Hnuy illa..."
Zuzendaritza: Mireia Gabilondo
Antzezleak: Jon Maya, Alain Maya, Enero Gil, Ibon Huarte, Urko Mitxelena,
Vanesa Castaño eta Nerea Vesga
‘1937’ eta ‘Otehitzari Biraka’ ikuskizunen ondotik,
udaberri honetan Kukai Dantza Konpainiak eta Tanttaka Teatroak ikuskizun berria
aurkeztuko dute.
Aurreko lanetan hartutako norabidean aurrerapauso bat emango dute, gizakien
arteko harremanak oinarri hartuta. Amodioa, desamodioa, bakardadea, erbestea… Poesiak
zipriztindutako ikuskizuna izango da. Dantza lengoaia nagusia izanda ere,
dantzarien mugimenduak poesia izango du bidelagun. Ez edozein poesia, gainera.
Izan ere, Joseba Sarrionandiaren testuak izango dira Kukai eta Tanttakaren
ikuskizun berriaren ardatz. Ikuskizun poetikoa, beraz, dantza eta musika sujerenteen
bidez azalduta. Ikuskizuneko musikaren egilea Iñaki Salvador izango
da eta koreografoa Jon Maya.
