"Hermanas"
Egilea eta zuzendaria: Carol López
Antzezleak: Maria Lanau, Montse Germán, Aina Clotet, Amparo Fernández,
Paul Berrondo, Marcel Borrás.
Heriotza. Bizitza. Denetarik prestatzen den sukaldea. Hitzaurre bat. Bi ekitaldi. Epilogo bat. Familia. Hiru ahizpa: Ines, Irene, Ivonne. Alarguna, nerabea eta iristen den senargaia. Aita hilobiratu behar da. Zein…beltza? Soila da. Tristea da. Eta gorria…? Bai, gainera aitak bazuen komunista tokea, ezta? Eta festa egiten dute haren omenez. Jendeak bakailaoa pil-pil eran eskatu eta opilak lurrera jausten dira. Ahizpek barruak husten dituzte. Azkenean, jendeak alde egiteko garaia ere iristen da. Urtebete pasa ondoren, berriro elkartuko dira…. Hermanas antzezlanaren asmoa bizitzaren bidez heriotzaz hitz egitea da.
