"Escrito en el barro"
Egilea eta zuzendaria: Andrés Bazzalo
Antzezleak: Emiliano Samar, Daniel Dibiase, Jorge Prado,
Joaquín Berthold,
Heidi Fauth, Adriana Dicaprio, Hernán Pérez (percusión
en vivo).
Sosa komandanteak mugaldeko soldadu-taldea gidatzen du Paraguayren kontrako guda garaian, XIX. mendean. Gizon heldua, adoretsua, militar eraginkorra izateko beharrezkoak diren gaitasun intelektualak larri-larri betetzen dituena. Gotorlekura doa andre dotorearekin, neska kozkor garaiak gainditu berri dituen Marianarekin, aitaren iritziaren aurka ezkondu dena, komandantea larru beltzekoa eta jatorri umilekoa delako. Oteloren bertsio kreola kontutan hartzekoa da, batez ere, garaiari eta tokiari ederki egokitzen delako aukeratutako hizkuntza. Moldaketak, oinarrizkoenean kontzentratuta, ez du galtzen poesiaren hatsa eta tentsio hazkorra sortzen du, etenik gabekoa, azkeneko eztandaren bila.
